Festexamos o Magosto, unha das tradicións máis bonitas do outono. Foi unha xornada completa, chea de sabor, música e convivencia.
Comemos castañas deliciosas, que foron asadas co cariño das familias, ás que lles agradecemos moito a súa colaboración. Estaban no seu punto e souberon a festa e tradición.
Despois gozamos dunha chea de xogos tradicionais: saltamos á corda, xogamos ao pañuelo, fixemos carreiras de sacos e moito máis. Risas, equipo e bo ambiente en cada partida.
A música tampouco faltou: bailamos e gozamos cos músicos, que puxeron ritmo e alegría á mañá. Foi un momento cheo de enerxía onde todos participamos.
Un día perfecto para convivir, aprender e celebrar as nosas tradicións dun xeito especial.
No hay comentarios:
Publicar un comentario